Drita kualifikohet në fazën Play-Off të UEFA Conference League.
Gjilanasit bënë mrekullinë në Fadil Vokrri duke mposhtur 3-1 Audan dhe përmbys kështu rezultatin e ndeshjes së parë të cilën e kishin humbur 1-0.
Bardheblutë e mbyllën 90 minutëshin në avantazh minimal falë golit të Besnik Krasniqit nga pika e bardhë që i dha mundësinë për të dërguar ndeshjen në shtesa.
Por, pikërisht në startin e 30 minutëshit, kundërshtarët do të shënonin menjëherë duke marrë avantazhin kualifikues përkohësisht.
Në të 102’ ishte Rron Broja që u gjend në vendin e duhur për të kaluar sërish në epërsi dardanët dhe në minutën e 115’ shpërtheu festa e madhe me Albert Dabiqaj që fluturoi mbi të gjithë duke dërguar topin me kokë në fundin e rrjetës.
Në fazën Play-Off, Drita do të përballet me gjigantët polak të Legia Varshavës.
