Teksa u izoluan për shkak të ndërtimit të autostradës Thumanë-Kashar, e cila nuk ka asnjë hyrje dalje me rrugën e vjetër, duket se telashet për banorët e Fushë-Krujës nuk kanë të mbaruar.
Qytetarët e këtyre zonave duhet të paguajë një taksë 2 euro nëse kalojnë në rrugën para një hoteli.
Qytetarët kanë denoncuar Hotel Europa Park, që me apo pa bekimin e institucioneve, me apo pa të drejtë i tarifon 2 euro, po aq sa është taksa e rrugës Thumanë-Kashar. Ky është izolimi i dytë për banorët e Fuashë-Krujës!
Izolimin e parë 85 mijë banorëve të Fush Krujës, Thumanës, Krujës, Niklës dhe plot fshatrave të tjerë ua dha si dhuratë Belinda Balluku, ministrja e Infrastrukturës, bashkë me institucionin e varësisë, ARRSH. Pavarësisht se projekti i autostradës së re 21 km parashikonte 4 nyje lidhëse me rrugën ekzistuese, në fund rezultoi se nuk kishte asnjë dalje apo hyrje në autostradë, çka solli edhe protestat e banorëve të zonës.
E vetmja nyje lidhëse është 23 km, pra dy km më poshtë se gjatësia e autostradës, ndërsa banorët të shqetësuar shprehen se po falimentojnë bizneset, janë të izoluar dhe kërkojnë zgjidhje.
Rruga e re Thumanë-Kashar do të funksjonojë po ashtu me pagesë. 270 lekë për mjetet e vogla, 650 për autobusët, dhe 900 lekë për mjetet e tonazhit të rëndë. Kushti që një aks rrugor të bëhet me pagesë, është që qytetarët të kenë mundësi kalimi alternative, gjë që iu është mohuar mijëra qyetarëve që do të përshkruajnë këtë rrugë, ndoshta edhe disa herë në ditë, për shkak të distancës së shkurtër që ajo ka, dhe lidhjes ndërmjet qyteteve
