Një 22-vjeçar është marr peng nga dy të rinj të tjerë në Tiranë, duke u mbajtur në makinë dhe kërcënuar për dhënie pasurie, pasi kishin përplasur automjetetet mes tyre.
Policia ka arrestuar dy autorët e pengmarrjes, ku në pranga janë vënë shtetasit Ardit Cara, 18 vjeç, dhe Arjan Dukaj, 35 vjeç, të dy banues në Tiranë. Ata akuzohen për veprat penale “Heqja e paligjshme e lirisë”, “Kanosja”, “Shkatërrimi i pronës”, “Shtrëngimi me anë të kanosjes ose dhunës për dhënie pasurie”, kryer në bashkëpunim.
Sipas bluve të kryeqytetit, nga veprimet hetimore dyshohet se dy të arrestuarit, pas një konflikti të çastit për një përplasje automjetesh, kanë marrë me forcë në automjet shtetasin E. G., 22 vjeç, duke i hequr lirinë atij, si dhe e kanë kanosur për dhënie pasurie.
Materialet i kaluan Prokurorisë së Tiranës për veprime të mëtejshme
