Kryedemokrati Sali Berisha ka vijuar akuzat në drejtim të mazhoracës socialiste të Edi Ramës, se çdo ditë që kalon në pushtet, është një plaçkitje e madhe e pronave që kanë mbetur ende.
Në fjalën e tij para mbështetësve te ‘Rruga e Shpresës’, Berisha paralajmëroi se ‘në shënjestër është edhe tuneli i nëndetëseve në Porto Romano’.
Berisha: Miqtë e mi, çdo ditë që kalon është një ditë vjedhje më shumë e qytetarëve shqiptarë.
Çdo ditë që kalon është plaçkitje e madhe e pronave që kanë mbetur ende. Miq, a dëgjuat dy ditë më parë nën moton ‘rroftë ushtria’ se tunelin e nëndetëseve të Porto Palermos do e shndërronin në përdorim ushtarak dhe turistik.
Hajdutët mor miq, nuk kanë asnjë normë morale. Mund të numërojnë gjer nesër në mëngjes se një ditë se një ditë e qetë për këtë qeveri është një ditë e zezë për Shqipërinë dhe shqiptarët.
Ndaj dhe beteja e pandalshme është rruga e vetme. Përballja e guximshme është rruga e vetme për të përmbysur këtë regjim armiqësor, antikombëtar.
Këtë regjim që po plaçkit këtë vend sa askush ndonjëherë në histori.
