Zjarri në Labovë të Gjirokastrës vijon të jetë ende aktiv edhe mëngjesin e së dielës. Pavarësisht përpjekjeve të zjarrëfikësve, zjarri i rënë mbrëmjen e djeshme ka vijuar përgjatë gjithë natës deri në mëngjesin e kësaj dite.
Gjatë natës është luftuar me zjarrin për të mos e lejuar që të përbënte rrezik për fshatrat Labovë e Madhe dhe Labovë e Vogës.
Në orën 04:00 të mëngjesit të së dielës forcat zjarrefikëse ne Gjirokastër u riorganizuan për ndërhyrje në pikat kyce për mbajtjen nën kontroll dhe izolimin e zjarrit.
Lufta me flakët vijon ende.
Aktualisht forcat zjarrëfikëse në terren kanë nën kontroll zjarrin, ndërsa po bëjnë përpjekje për shuarjen e plotë të tij.
