“Lëvizja Bashkë” ka reaguar në lidhje me lajmin e publikuar nga “Boldnews.al”, për lidhjen e kompanisë “StarTek” të Lulzim Ahmetajt me kryebashkiakun e Tiranës, Erion Veliaj që ngrihen dyshime të forta për afera korruptive.
Më konkretisht edhe për faljen e 7 parcela tokë publike në zonën e Bulevardit të Ri me vendim të Këshillit Bashkiak për të ndërtuar kulla.
Anëtarja e “Lëvizjes Bashkë” në Këshillin e Tiranës Bashkiak Mirela Ruko, në reagimin e saj shprehet se vetëm nisur nga fakti që gaztori Gazment Paja është ortak me Lulzim Mehmetjajn tek përfitimi i statusit strategjik për për projektin “Dhërmi Resort” ngre dyshime për konflikt interesi.
Gjithashtu, Lulzim Mehmetaj është edhe bashkëshorti i shtetases Besjona Dede (Mehmetaj), e cila ka mbajtur poste të rëndësishme në Bashkinë e Tiranës, madje disa herë duke i dhënë edhe tendera kompanisë së bashkëshortit të saj në konflikt interesi.
LEXO EDHE: Nën hijen e konfliktit të interesave/ Veliaj-Strategjiku “StarTek”, në mes miliona euro
Kompania “StarTek” e Lulëzim Mehmetajt ka përfituar një sërë tenderash dhe kontratash të rëndësishme nga Bashkia e Tiranës, përfshirë ndërtimin e Këndit të Lojërave për Fëmijë dhe rindërtimin e shkollës “Sami Frashëri”.
Ruko shprehet se Veliaj vepron në bazë të klientelizmit për të privatizuar pronat publike, duke ua dhënë disa ndërtuesve, me arsyetimin se po i shërbejnë interesit publik. Po ashtu, sipas saj, këto kontrata bëhen edhe pa transparencë.
LEXO EDHE: SKANDALI/ Veliaj i jep tendera burrit të vartëses së tij, Rama e ka shpallur “strategjik”
Sipas “Lëvizjes Bashkë”, këto veprime tregojnë edhe njëherë për administrimin e pronave publike në Tiranë dhe babëzinë e Erion Veliajt, Arbjan Maznikut dhe Taulant Tushës.
Mirela Ruko e “Lëvizjes Bashkë” deklaroi se Erion Veliaj me shokët e tij në qeli, me legjitimitetin e humbur dhe nën hetim nga drejtësia, por nuk po di të ndalet.
Reagimi:
ERION VELIAJ, ME SHOKËT NË QELI, PA LEGJITIMITET DHE NËN HETIM, NUK PO DI TË NDALET!
“StarTek” do të përfitojë edhe 7 parcela tokë publike në zonën e Bulevardit të Ri, për të ndërtuar, me një vendim të Këshillit Bashkiak të vitit 2018, i pasuar nga miratimi i draft-kontratës që u aprovua pa diskutim në mbledhjen e fundit të Këshillit Bashkiak të Tiranës.
“StarTek”, një kompani në pronësi të Lulëzim Mehmetaj, bashkëshorti i një zyrtare të lartë të Bashkisë, ka përfituar një sërë tenderash dhe kontratash të rëndësishme, përfshirë ndërtimin e Këndit të Lojërave për Fëmijë dhe rindërtimin e shkollës “Sami Frashëri”.
Për më tepër, lidhjet e kompanisë me aktorin Gazmend Paja duket se kanë ndikuar në përfitimin e statusit të investitorit strategjik për projektin “Dhërmi Resort”. Këto veprime tregojnë edhe njëherë për administrimin e pronave publike në Tiranë dhe babëzinë e Erion Veliajt, Arbjan Maznikut dhe Taulant Tushës.
Erion Veliaj, me legjitimitet të humbur, shokët në qeli dhe nën hetim, nuk po di të ndalet!
Nën hijen e konfliktit të interesave/ Veliaj-Strategjiku “StarTek”, në mes miliona euro
SKANDALI/ Veliaj i jep tendera burrit të vartëses së tij, Rama e ka shpallur “strategjik”
