Këngëtarja Ronela Hajati ka treguar se është ngacmuar nga 80% e meshkujve të estradës, por theksoi se nuk ka interes për asnjë lloj artisti.
Në një intervistë për “Pushime on Top”, Ronela Hajati la të nënkuptohej se zemrën e saj nuk e ka rrëmbyer asnjë djalë, pasi u shpreh se e ka të vështirë të bjerë në dashuri.
“Tani jam në një fazë që nuk kam interes tek asnjë lloj artisti, por në fillim fare, sa kam nisur këto koncertet e para, absolutisht që më kanë ngacmuar 80% e estradës, edhe me mua edhe me të gjitha gocat kështu është, por nuk është se ka qenë ndonjë gjë. Çfarë ka qenë e kanë ngritur njerëzit. Jam në një fazë që e shoh një çikë të vështirë këtë rënien në dashuri, tani në këtë moshë. Unë kam shumë dëshirë, por sikur snuk shumë, kupton”, tha ajo.
Ndërsa ka rrëfyer historinë se si ka dhunuar një djalë duke e “bërë të vdekur”.
“Kam rrahur një çun në nerva e sipër, e kam bërë të vdekur. Na shtyu, ishim në një vend, më shtyu më bëri copë. Po kishte pirë, kushedi, na shtyu në ishim shumë njerëz, u vramë, unë isha veshur si zonjë, u ktheva dhe e harrova zonjëllikun”, tha ajo.
