Vetëm 17 vjeçe, por me një talent të jashtëzakonshëm. Kuan Hongçan nga Kina ka bërë bujë në Lojërat Olimpike prej zhytjeve perfekte që realizon.
Në hedhjen nga trampolina në lartësinë 10 metër, ajo praktikisht nuk ngre asnjë pikë në momentin kur zhytet në ujë.
Edhe në finalen e kësaj disipline, Kuan përsëriti hedhjet spektakolare të garave kualifikuese, duke u vlerësuar me pikët maksimale nga juria, të cilat i garantuan edhe medaljen e artë dhe mbrojtjen e titullit olimpik të arritur në Tokio.
Në vendin e dytë ishte shoqja e saj e ekipit, Çen Yuksi, përkrah të cilës fitoi titullin olimpik në zhytje të sinkronizuar gjatë javës së kaluar.
