Një hap i madh në karrierë për talentin e Kombëtares Shpresa, Adrion Pajaziti, i cili është zyrtarisht pjesë e ekipit të parë të Fulham.
Mesfushori 21-vjeçar, u aktivizua fillimisht 11 minuta në testin miqësor ndaj Benfikës në datën 2 gusht, ku klubi i Premier League triumfoi me rezultatin 0-1, ndërkohë që mbrëmjen e djeshme, në miqësoren ndaj Sevilla-s luajti plot 45 minuta.
Pajaziti u aktivizua si titullar, ndërkohë që në startin e pjesës së dytë, i la vendin blerjes së bujshme të Fulham, Smith Rowe.
Me shumë gjasa talenti kuqezi do të jetë pjesë e skuadrës së parë angleze, këtë sezon dhe do të provojë të fitojë besimin e trajnerit Marco Silva. Pajaziti ka udhëtuar me londinezët në Portugali ku po zhvillon fazën përgatitore.
