Policia e Shtetit ndodhet në krizë punonjësish, ku ka hapur aplikimet për për pranimin e 400 efektivëve të rinj, në funksione të rolit bazë, të ndara sipas strukturave policore në nivel vendor (DVP, DVKM dhe struktura të veçanta).
Afati i aplikimeve ishte deri në datën 31 Korrik, por përmesm një njoftimi ditën e sotme Policia e Shtetit bën me dije se ky afat është shtyrë deri më 5 shtator.
Në njoftimin e autoriteteve nuk jepen detajet se pse është marrë ky vendim, duke ngritur dyshime për numër të vogël aplikimesh për shkak të largimit masiv të shqiptarëve, apo kushteve me të cilën përballen policët ku punojnë me orë zgjatura dhe nuk paguhen.
Në numrin e kuotave për konkurrim, 50% e kuotave do të jenë për shtetaset femra të cilat pas përfundimit me sukses të Kolegjit në Akademinë e Sigurisë, do të emërohen në strukturat e Kufirit dhe Migracionit.
“Shtyhet deri më datë 05.09.2024, afati i aplikimit për pranim në Policinë e Shtetit, për 400 funksione të rolit bazë, për Patrullë të Përgjithshme.
Në numrin e kuotave për konkurrim, 50% e kuotave do të jenë për shtetaset femra, të cilat pas përfundimit me sukses të Kolegjit Profesional të Formimit Policor në Akademinë e Sigurisë, do të emërohen në strukturat e Kufirit dhe Migracionit.” – thuhet në njoftimin e Policisë.
LEXO EDHE:
Policia e Shtetit kërkon 400 efektivë të rinj, 50% do jenë femra, ja kriteret për aplikim
