Milani po shfaqet me një tjetër “fytyrë” nga ajao e Piolit, nën drejtimin e Paulo Fonseca-s.
Pasi fituan me rezultatin 3-2 miqësoren përballë Manchester Cityt, mesnatën e kaluar kuqezinjtë kanë arritur të mposhtin edhe Real Madridin në ndeshjen miqësore të luajtur në “Soldier Field” në Chicago.
Ka qenë një duel fantastik, ku prodhoi shumë raste shënimi nga të dyja skuadrat, megjithatë një gol ishte vendimtar për ta përcaktuar fituesin. Gjiganti italian arriti fitore ndaj atij spanjoll me rezultatin e ngushtë 1-0.
Pjesa e parë përfundoi ashtu siç filloi me rezultat të pastër 0-0, teksa me të filluar pjesa e dytë “rossonerët” shënuan.
Në minutën e “55 të takimit, talenti italian Mattia Liberali asistoi bukur te Samuel Chukwueze i cili u gjend bukur në zonë dhe realizoi për fitoren e Milanit.
Dy trajnerët, Paulo Fonseca dhe Carlo Ancelotti i dhanë hapësira të gjithë futbollistëve që kishin në dispozicion për këtë sfidë. Në këtë ndeshje deputoi edhe 18-vjeçari brazilian Endrick për Real Madridin.
