“Futbolli ynë është rritur, cilësia gjithashtu, mund të garojmë më fort në Europë, ka ardhur momenti të shkojmë sërish në grupe”, këto janë shprehjet që i dëgjojmë shpesh në opinionin sportiv.
Por kur vjen momenti për t’i provuar këto mendime apo gjykime, gjithçka pasohet nga një zhgënjim i shumëfishtë.
Egnatia dhe Partizani i bashkohen skuadrave të eliminuara në kompeticionet Europiane, ndërsa tashmë futbolli shqiptar mbetet e papërfaqësuar në turin e tretë të Conference League.
Pas suksesit 1-0 në ndeshjen e parë ndaj islandezëve të Vikingur Reykjavik, Egnatia, kampione e Shqipërisë u mund 0-2 në Shkodër, duke mos u kualifikuar dot për në fazën tjetër.
Mysafirët iu falën një autogoli të Dulysse në minutën e 28-të dhe një golit të Thrandarson në të 48-tën, për të marrë kështu një triumf të çmuar, i cili u jep atyre një biletë për në turin e 3-të të Conference League.
Vikingur, në fazën tjetër, do të përballen me ekipin estonez të Florës.
Ndërkohë nga ana tjetër Partizani barazoi pa gola ndaj Iberia 1999 në ndeshjen kthimit ndërsa vendimtar rezulttoi sfida në Gjeorgji të cilët vendasit e fituan 2-0.
Paraqitja e skuadrave tone në kompeticioneve europiane është reflektim i nivelit të kampionatit të dobët të Superiores, që aktualisht duket në kolaps në çdo pikëpamje.
