Policia e Shkodrës ka asgjesuar 8839 bimë kanabisi në këtë Qark, në vijim të operacionit të koduar “Territori i pastër”, teksa vijon kontrolli në territore.
Më konkretisht:
- në territoret e njësive administrative Pult, Shosh, Postribë të Shkodrës janë gjetur dhe asgjësuar 5586 bimë kanabis;
- në territorin e njësisë administrative Kelmend në Malësinë e Madhejanë gjetur dhe asgjësuar 957 bimë kanabis;
- në territorin e njësisë administrative Temal në Vaun e Dejës janë gjetur dhe asgjësuar 2167 bimë kanabis;
- në territorin e njësisë administrative Qelëz në Pukë janë gjetur dhe asgjësuar 72 bimë kanabis;
- në territorin e njësisë administrative Iballë në Fushë Arrëz janë gjetur dhe asgjësuar 57 bimë kanabis.
Nuk raportohet asnjë i arrestuar, teksa Policia thotë se vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre bimëve kanabis.
