Situata nga zjarri i rënë që prej mbrëmjes së djeshme në Shëngjin është tejet kritike. Situata alarmante ka krijuar panik te turistët dhe fëmijët.
Flakët janë përhapur me shpejtësi të madhe dhe kjo i ka bërë turistët të largohen menjëherë. Shumë pushues janë larguar nga hotelet dhe kanë ndërprerë pushimet.
Bëhet e ditur se shumë pushues kanë sendet personale brenda në hotele dhe shtëpi, të cilat nuk po arrijnë t’i marrin dot.
Zjarri ka djegur edhe dy beach bare dhe shumë çadra.
Policia ka urdhëruar avakuim të plotë nga zona për të gjithë pushuesit dhe banorët.
Edhe pse po punohet nga toka dhe ajri, situata mbetet kritike në këtë zonë pasi era e fortë po favorizon flakët.
