Qindra banorët të Thumanës dhe zonave përreth kanë dalë sërish në protestë pasditen e sotme për të kundërshtuar bllokimin e hyrje-daljeve në autostrodën Thumanë-Kashar.
Banorët kanë bllokuar autostradën duke u përplasur me policinë, e cila edhe këtë herë ka hedhur gaz lotësjellës në drejtim të protestuesve, të cilët kërkojnë një të drejtë të tyre.
Bizneset dhe banorët kundërshtojnë bllokimin e hyrje-daljeve në autostradë, pasi nuk kanë akses në këtë aks të rëndësishëm rrugor, duke sjellë pengesa dhe probleme për të gjithë zonën.
Në mbështetje të banorëve janë edhe përfaqësuesit e Partisë Demokratike, të cilët kërkojnë bashkë me protestuesit që të merren në konsideratë kërkesat e tyre të ligjshme.
