Një tjetër portier me origjinë shqiptare, kërkon të lerë gjurmë në futbollin italian. Bëhet fjalë për Diant Ramaj, që aktualisht është pjesë e Ajaksit, nuk po merr minutat e dëshiruara në Holandë.
Në këto kushte, Genoa është futur seriozisht në garë për të siguruar shërbimet e shqiptarit, pas transferimit të Martinez te Interi.
Ramaj shihet si përforcimin ideal për portën. Në krahun tjetër, Ajaks është gati ta shesë portierin që ka luajtur për kombëtaren e moshave të Gjermanisë, por nuk do ta lërë të lirë për më pak se 20 milionë euro.
Karakteristikat e Ramaj ngjasojnë me ato të Martinez. Kartoni i portierit 22-vjeçar sipas faqes së specializuar “Transfermarkt” është 18 milionë euro.
Kujtojmë që pak ditë më parë, te skuadra e Kaljarit u transferua edhe Alen Sherri nga Egnatia, ndërkohë që pjesë e futbollit italian janë edhe Etrit Berisha dhe Elhan Kastrati.
