Manchester City dhe Milan janë takuar në një miqësore luksi në Yankee Stadium në New York të Shteteve të Bashkuara të Amerikës.
Ka qenë një ndeshje spektakolare me pesë gola të shënuar, ku në fund ishte skuadra italiane që triumfoi me rezultat 2-3.
Kampionët e Anglisë kaluan të parët në avantazh me anë të Erling Haaland në minutën e 20’, por reagimi i italianëve ishte i shpejtë, pasi sulmuesi i talentuar Lorenzo Colombo shënoi dy herë në minutat 30’ dhe 34’, në të dy rastet me asiste të Chukwezes, duke përmbysur rezultatin.
Në pjesën e dytë të dy skuadrat bënë ndryshime të shumta, teksa “citizens” gjetën golin e barazimit me anë të McAtee, por Milani shënoi sërish me 20-vjeçarin Nasti për të siguruar triumfin 2-3.
MANCHESTER CITY-MILAN – SHIKO GOLAT
Vlen të theksohet se Pep Guardiola kishte në fushë vetëm 3 titullarë nga sezoni i kaluar dhe pjesa tjetër ishin të rinj, ndërsa Milani aktivizoi një pjesë të mirë të titullarëve, ndonëse mungonin francezët Maignan e Theo, por edhe ylli portugez Rafael Leao.
