Partia Socialiste do të mbledhë sot Kongresin Zgjedhor, teksa takimi pritet të nisën në orën 11:00 në pallatin e Kongreseve.
Kongresi i PS-së do të jetë i ndarë në disa panele, ku do të miksohet puna e partisë dhe ajo e qeverisë së Edi Ramës.
Ndërkohë mbetet për tu parë nëse kryeministri do të thotë emrin e pasueses së Lindita Nikollës, e cila dha dorëheqjen nga posti i kryetares së Kuvendit për shkaqe të cilat i deklaroi “shëndetësore”.
Gjithashtu, mbetet të shihet nëse do të ketë ndryshime në Qeveri. Edi Rama jo pak herë ka surprizuar me emra anonimë, teksa ata që shkarkohen dhe emërohen e marrin vesh vetëm gjatë fjalimit të tij.
Por ajo çfarë të bën të dyshosh se mund të ketë ndryshime në Qeveri, është veprimi i Presidentit të Republikës. Bajram Begaj. Në një kohë që Rama ka mbledhur Kongresin, ky i fundit ka shkuar në zyrën e tij në Presidencë.
Nuk dihet se çfarë e ka shtyrë Presidentin Bajram Begaj të shkojë në zyrë këtë ditë të dielë. A do të jetë në pritje të firmosjes së ndonjë dekret? Kjo nuk dihet, por do të presim se çfarë do të ndodhë.
