Pas shënoi golin e parë me fanellën e Astanës në ndeshjen e Kupës së Ligës gjatë fundjavës së shkuar, Nazmi Gripshi ka gjetur sërish rrugën e rrjetës me klubin nga Kazakistani.
Këtë herë mesfushori 27-vjeçar ka arritur të jetë protagonist në Ligën e Konferencës teksa Astana e tij barazoi 1-1 ndaj klubit moldav, Milsami.
Nazmi Gripshi realizoi në minutën e 57-të për t’i dhënë fillimisht avantazhin ekipit të tij. Një gol mjaft i bukur brenda zonës duke treguar aftësitë e fantazistit para portës.
View this post on Instagram
Megjithatë teksa ndeshja po i drejtohej fundit, Koy Lupano shtangu Astanën në minutën e 90-të duke barazuar shifrat, ndërsa tashmë skuadra e cila do të kualifikohet vendoset në ndeshjen e kthimit.
Gripshi u transferua te Astana vetëm pak javë më parë pas largimit nga Ballkani, duke bërë kështu një hap i rëndësishëm në karrierë.
Në Kategorinë Superiore ai është aktivizuar me Teutën, klub ku nisi edhe karrierën si futbollist, ndërsa për tre sezone ka qenë pjesë edhe e Skënderbeut.
Në nivel përfaqësuesesh ai është aktivizuar me Shqipërinë U-19 dhe U-21, ndërsa çuditërisht ftesa për të nuk erdhi kurrë nga Kombëtarja e madhe.
