Trajneri Vincent Kompany kreu debutimin në “timonin” e Bayernit ditën e djeshme, ndonëse në një ndeshje miqësore.
Rekordmenët e Gjermanisë u përballën me Rottach-Egern, takim i përfunduar me shifrat 14-1.
Në ekipin titullar u prezantuan disa emra me peshë në kontingjentin e bavarezëve si Ulreich, Goretzka, Daier, Satanisiç, Mazraui, Til dhe Guerreiro.
Edhe pse ata u përballën me një ekip amator, sërish grinta e lojtarëve të Kompany u dallua qartë. Duheshin pritur 24 minuta për të parë golin e parë, që u shënua nga Lisina.
Pas vetëm një minute ai shënoi sërish, çka i hapi “krahun” spektaklit të Mathys Tel, i cili shënoi një tregolësh. Për Bayernin finalizuan në fraksionin e parë të lojës edhe Mazraui e Guerreiro. Intensiteti nuk u ul as në 45 minuta e mbetura të duelit.
Futbollisti me origjinë shqiptare, Arjon Ibrahimoviç, gjeti rrugën e rrjetës. Transferimi më i fundit, Irankunda, e nis aventurë te bavarezët me dopietë.
