Gjykata e Posaçme kundër Korrupsionit dhe Krimit të Organizuar ka vendosur t’i kthejë mjetin tip “Mercedes–Benz”, e cila dyshohet se ka qenë pjesë e grupit të Laert Haxhiut dhe e dashura e këtij të fundit.
Mjeti luksoz, i sekuestruar nga SPAK gjithë këto muaj, nuk është në emër të Klea Gjatës, por në emër të nënës së saj. Kjo e fundit, shtetasja Sh. Gj kishte dorëzuar një padi që kërkoi “Kthimin e sendit të sekuestruar sipas procesverbalit të datës 01.10.2023, ora 17:55, mbajtur nga oficeri i policisë gjyqësore pranë Komisariatit të Policisë Elbasan”.
Makina iu sekuestrua Klea Gjatës nga Policia e Elbasanit në kuadër të operacionit “Kurrë mos harro”, ku u lëshuan urdhër-arrestet pas dëshmive të të penduarit të drejtësisë Artan Tafani.
Tashmë ajo po hetohet në gjendje të lirë nga prokurori i SPAK, Behar Dibra. Grupi i Laert Haxhiut akuzohet për 6 vrasje, 5 shpërthime me tritol, grabitje me dhunë dhe 3 tentativa për kryerje vrasjesh.
