Eurodeputeti më i ri i Demokracisë së Re, Fredi Beleri nga Strasburgu, ka folur për dënimin e tij në Shqipëri, ku tha se ndjehet pjesërisht i justifikuar dhe i hidhëruar që ka vende që nuk respektojnë vullnetin e popullit.
Më tej ai theksoi se populli shqiptar dëshiron të bëhet anëtar i Bashkimit Evropian dhe nuk e di nëse Edi Rama ka të njëjtën synim.
“Sigurisht që ndihem pjesërisht i justifikuar. Synimi im ishte të betohem si kryetar i bashkisë së Himarës, por para meje hapet një perspektivë e re.
Populli shqiptar dëshiron të bëhet anëtar i Bashkimit Evropian. Nuk e di nëse Edi Rama dëshiron të anëtarësohet në Bashkimin Evropian. E di që njerëzit duan. Qytetarët shqiptarë tashmë jetojnë në Bashkimin Evropian. Është një kontradiktë që shqiptarët janë azilkërkuesit e parë në vendet e Bashkimit Europian dhe befasi që qytetarët e një vendi që kërkojnë azil, do të jenë shumë shpejt pjesë e familjes europiane”.
Siç shpjegoi ai, nëse nuk kthehet në Shqipëri , atëherë qeveria Rama do të marrë masa ndaj tij dhe do ta ndalojë hyrjen në vend: “Atje është shtëpia ime, është jeta ime dhe nuk do t’ia bëj askujt këtë nder. Unë do të jem përsëri në burg edhe për pak kohë, shpresoj.”
Për sa i përket, së fundi, zgjedhjeve që do të mbahen në bashkinë e Himarës Fredi Beleri u shpreh se “ne gjithmonë shpresojmë që zgjedhjet të përmirësohen dhe të bëhen më të mira. Fatkeqësisht, 34 vjet pas rënies së regjimit komunist, zgjedhjet e ndershme dhe të paanshme janë një domosdoshmëri”.
