Partizani siguroi kualifikimin në turin e dytë të Conference League pas fitores 1-2 në trasnfertë ndaj Marsaxlokk në Maltë.
Kryeqytetasit festuan me tifozët këtë kualifikim. “Ultras Guerrils” nuk zhgënjyen me paraqitjen e tyre, ndërsa mbështetën Partizanin gjatë gjithë ndeshjes.
Ndeshja e radhës luhet kundër Iberias. Kundërshtar i njohur ky për Partizanin, pas 2 vite më parë u përplasën po në Conference League me emrin Saburtalo.
Kujtojmë ndërkohë se ndeshja në Maltë nuk ishte aspak e lehtë. Kjo pasi vendasit shënuan të parët. Partizani gjeti forcën për të barazuar me Carën, ndërsa Keko luajti rolin e heroit në minutën e 93′.
