Bayer Leverkusen ka zyrtarizuar këtë të enjte transferimin e Martin Terrier.
27-vjeçari vjen nga skuadra franceze e Rennes dhe ka firmosur për pesë sezone me “Aspirinat”.
“Bayer Leverkusen njofton se ka transferuar Martin Terrier nga skuadra e Rennes. Ai ka luajtur 202 ndeshje në kampionatin francez me Lille, Strasburg, Lyon dhe Rennes. Terrier ka firmosur me Bayer Leverkusen deri më 30 qershor 2029”-bën me dije Leverkusen.
Terrier bën kështu hapin e madh të karrierës, teksa për herë të parë ai do të luaj larg tokës franceze, ndërsa në fjalët e para si lojtar i “Aspirinave” ai u shpreh: “Pas shtatë vitesh në elitën e futbollit francez isha përgatitur për një hap të rëndësishëm. Jam shumë i lumtur që do të luaj për Bayer Leverkusen, jam i emocionuar dhe fakti që ky transferim u realizua është një motivim i veçantë”.
