Pasi Albana Koçiu raportoi në Komisionin e Shëndetësisë, deputetja demokrate Albana Vokshi ka ironizuar deklaratat e ministres.
“Wow, fjalimi ishte nuk di pse ankoheni nuk paska asnjë problem tek QSUT, tek Onkologjiku, fjalime patetike”, ishte ironia e Vokshit për Koçiun.
Më tej ligjvënësja demokrate theksoi se në spital nuk ka ilaçe dhe nuk funksionojnë aparaturat, ndërsa theksoi se Onkologjiku është vetëm maja e ajsbergut.
“Mendova se sot do të vinit me një ndjesë zonja ministre, më modeste, por të thoni që kemi reaguar dhe kemi marrë masa në mënyrë të menjëhershme, kur sot nuk ka barna nuk ka kura e ilaçe, nuk funksionojnë aparaturat, paraqiteni para Komisionit dhe në vend që të rreshtoni problematikat, thoni hajde na ndihmoni. Onkologjiku është vetëm maja e ajsbergut”, shtoi Vokshi.
