Luis De la Fuente nuk ka dilema në lidhje me fituesin e Topit të Artë 2024. Dhe sigurisht që trajneri i Spanjës preferon një nga lojtarët e tij.
Pasi i vlerësoi të gjithë për suksesin e jashtëzakonshëm në Gjermani 2024, 63-vjeçari zgjedh Rodrin si personin të cilit duhet t’i dhurohet çmimi prestigjioz.
“Rodri duhet të jetë fituesi i Topit të Artë. Jepjani atij, ju lutem! Ai është thjesht futbollisti më i mirë në botë”, shprehet i bindur tekniku i Spanjës.
Mesfushori i Manchester Cityt, “truri” i lojës së iberikëve dhe skuadrës angleze, u shpall më i miri i Euro 2024.
Kompeticion ku spanjollët e De la Fuentes siguruan Europianin e katërt në histori. Si asnjë ekip tjetër më parë.
28-vjeçari fitoi titullin e katërt radhazi me Citizens në Angli, ndërkohë që puna me Pep Guardiolën e ka shndërruar në një mesfushor të mrekullueshëm.
Ceremonia e Topit të Artë 2024, që korrespondon me edicionin e 68-të në histori, do të zhvillohet në datën 28 tetor.
Kandidatët kryesorë do të shpallen në datën 4 shtator, me Rodrin që është një ndër favoritët e fitimit të çmimit që jepet nga France Football.
