Një zjarr i përmasave të mëdha ka përfshirë dy magazinë në hyrje të fshatit Pluk, të Lushnjes. Mësohet se zjarri, që është aktivizuar rreth orës 13.30, është përhapur pasi në këto magazina ndodhen materiale lehtësisht të djegshme të vjetra të depozituara prej vitesh.
Sipas informacioneve të para shkak për rënien e zjarrit është bërë djegia e mbeturinave në afërsi dhe më tej situata ka agravuar.
Dy zjarrfikëse të bashkisë Lushnje janë në vendngjarje për të vënë flakët nën kontroll. Në zonë është ndërpretë energjia elektrike pasi në zonën e zjarrit ndodhet një kabinë elektrike.
