Një sërë personazhesh të famshëm, duke përfshirë reperin 50 Cent dhe këngëtarin Kid Rock, dolën në rrjetet sociale si reagim duke dënuar tentativën për vrasje ndaj ish-presidentit Trump në një tubim në Pensilvani.
Ish-presidenti tha të shtunën se ai u godit në vesh nga një plumb teksa fliste në një tubim në Butler. Një pjesëmarrës në tubim u vra, ashtu si edhe sulmuesi i dyshuar, të cilin FBI e identifikoi si 20-vjeçarin Thomas Matthew Crooks të Bethel Park. Dy spektatorë të tjerë u plagosën rëndë, tha Shërbimi Sekret.
Kid Rock, i cili është bërë një figurë vokale për lëvizjen e ekstremit të djathtë, postoi një video në Instagram të shtunën, duke veshur një kapele bejsbolli “Djali i Bardhë i Vitit”.
“Po sulmuat Trump-in, keni punë me mua,” tha këngëtari.
50 Cent postoi një foto të shtunën në platformën sociale X të albumit të tij në studio, “Get Rich or Die Tryin”, me kokën e Trump në trupin e reperit.
“Trump qëllohet dhe tani jam trending [emoxhi me ngritje supesh]”, ka shkruar reperi sipër fotos.
Në një postim të mëparshëm të reperit që është fshirë që atëherë, 50 Cent ka postuar një foto që tregon momentin kur Trump ngriti grushtin në ajër disa momente pasi u qëllua dhe u gjakos nga një plumb. Reperi ka bashkëngjitur këngën e tij, “Many Men (Wish Death)” dhe ka shkruar: “E di atmosferën… jemi të gjithë në telashe tani!”
Teksti i këngës përfshin: “Shumë burra më urojnë vdekjen. Gjaku në syrin tim.” Nuk ishte menjëherë e qartë pse u fshi postimi.
Këngëtari i Country Scotty McCreery tha të shtunën se po lutej për vendin, ndërsa këngëtari Dave Matthews reagoi në skenë në një shfaqje në Virxhinia.
“Kjo nuk është mënyrë për t’u sjellë. Ngushëllimet e mia për familjet e njerëzve që u lënduan, por o Perëndi, kjo nuk është mënyra për të drejtuar një demokraci, nuk është mënyra për të qenë pjesë e një demokracie, “tha ai, sipas një videoje nga një përdorues në X.
John Rich, nga dyshja muzikore Big & Rich, postoi një foto virale të Trump-it me grusht në ajër, me mbishkrimin: “Ata nuk mundën ta mposhtin në një garë të ndershme, kështu që u përpoqën ta vrisnin. POR DOLËN HUQ.”
Në një postim tjetër, Rich postoi një video nga mitingu, gjatë së cilës Trump tha “lufto” pak çaste pas të shtënave dhe i shkroi, “Jepi.”
Reperi Soulja Boy ripostoi një video të sulmit dhe shkroi, “S’është e mundur që të kenë qëlluar Trump-in”.
Trump të dielën falënderoi kombin që u shqetësuar për të dhe u bëri thirrje amerikanëve të bashkohen.
Më vonë gjatë ditës, ai tha se do të udhëtonte në Milwaukee për Konventën Kombëtare Republikane.
“Bazuar në ngjarjet e tmerrshme të djeshme, unë do ta shtyja udhëtimin tim në Wisconsin dhe Konventën Kombëtare Republikane, me dy ditë, por sapo vendosa që nuk mund të lejoj një ‘qitës’ ose vrasës të mundshëm, të imponojë ndryshimin e orarit, ose ndonjë gjë tjetër”, shkroi Trump në Truth Social.
