Pushuesi, i cili u plagos këtë të shtunë në zonën e Karabarunit është dërguar me helikopter drejt spitalit të Traumës në Tiranës.
Mësohet se 56-vjeçari me inicialet A.K., u dërgua fillimisht në spitalin e Vlorës, por mjekët kanë dalë në konstatimitn se ai ka nevojë për mjekët më të specializuar dhe për këtë shkak e kanë nisur drejt spitalit të Traumës.
Pushuesi nga Tirana u plagos në këmbë nga goditja e helikës së gomones. Ai ndodhej në det në momentin kur ka ndodhur aksidentit, pasi kishte zbritur nga një anije turistike, ndërsa gomonia do të ankorohej në mol. Sipas Policisë, vendi ku ka ndodhur ngjarja nuk është zonë plazhi.
“Sot, në Karaburun, një mjet lundrues tip gomone, me drejtues shtetasin F. T., gjatë ankorimit në molin e vjetër të ish-ushtrisë në gjirin e “Shën Janit”, aksidentalisht me helikën e mjetit lundrues ka dëmtuar në këmbë shtetasin A. K., 56 vjeç, banues në Tiranë, i cili kishte zbritur nga një anije turistike në det afër këtij moli. (Nuk kemi të bëjmë me zonë plazhi).” – njoftoi Policia e Vlorës
Mjeti lundrues është bllokuar nga shërbimet e Policisë Kufitare dhe drejtuesi i mjetit është shoqëruar në komisariat për veprime të mëtejshme.
Grupi hetimor i Policisë së Vlorës, nën drejtimin e Prokurorisë, po vijon veprimet për zbardhjen e plotë të rrethanave të rastit.
