Tirana u përball me Torpedo Kutaisit në ndeshjen e parë të turit të parë të Conference League.
Një takim i luftuar që përfundoi në barazim 1-1 ku skuadra që do të kualifikohet në raundin tjetër të Conference league do të vendoset në Shqipëri.
Në ndeshjen e luajtur në Gjeorgji, Tirana me një ekip shumë ndryshe nga ai i vitit të kaluar zhvilloi një pjesë të parë të dobët, ndërsa në fraksionin e dytë u shfaq me një fytyrë komplet tjetër duke krijuar disa raste për shënim madje në fund mund të “vidhte” edhe fitoren.
Në këtë takim 7 blerje të reja debutuan me klubin në një ndeshje zyrtare. Ndaj Torpedo Kutaisit për herë të parë luajtën Arhan Isuf, Edison Kola në mbrojtje.
Në mesfushë: Ian Soler, Mahamadu Dembele dhe Fatmir Prengaj i cili u shty pak më përpara në anësore. Ndërkohë në majën e sulmit luajtën Admir Bajroviç dhe pjesën e dytë vendin e tij e zuri Walid Jarmouni.
