Janë zhvilluar debate në mbledhjen e Komisionit Hetimor për rrjedhjen e të dhënave nga sistemi TIMS. Shkak i debati ishte radha e anëtarëve të Komisionit për të mbajtur fjalën në seancë.
“E kam kërkuar unë fjalën, e kam për procedurë”, tha deputetja socialiste Blerina Gjylameti, ndërsa kreu i Komisionit, Ervin Salianji iu drejtua: “Kur ta drejtoni ju! Gështenja e ka fjalën”.
Deputetja e PS pas debatit është larguar nga salla, ndërsa më pas mbledhja u ndërpre për të rinisur pas 5 minutash. Pjesë nga debati:
Salianji: E ka kërkuar Gështenja fjalën për procedurë, nuk e përcaktojnë dot.
Gjylameti: E kam kërkuar unë fjalën, e kam për procedurë.
Salianji: Kur ta drejtoni ju. Gështenja e ka fjalën.
(Gjylameti ngrihet dhe largohet nga salla.)
Salianji: Le të iki, mbledhja vazhdon pa asnjë problem, le të kërcejnë, të bëjnë çfarë të duan.
Gështenja: Vendimi i Kushtetueses ka qenë një shuplakë për ju.
Salianji: Ikni, nuk mbyllet mbledhja vazhdon.
Gogu: Nëse keni objektiv të prishni mbledhjen.
Salianji: Këtë punë kanë këta janë të shqetësuar nga mali me paligjshmëritë.
