Përfaqësuesja e nismës “Dua të votoj 2025”, Fioralba Duma e ftuar në MCN u shpreh se vota e diasporës përbën një rëndësi në rotacionin politik në Shqipëri.
Sipas saj vota e diasporës është e pavarur dhe e papërcaktuar, pasi ndryshe nga shifrat që mund të sigurojnë patronazhistët në Shqipëri ato të diasporës nuk është e mundur të përcaktohen.
Intervista e plotë:
Zonja Dumi, cilat janë kërkesat tuaja drejtuar Kuvendit?
Të drejtën e votës së diasporës pasi dhe censi tregoj që pothuajse gjysma e popullsisë jeton jashtë vendit. Në rastin konkret sot që po flasim, kërkojmë të bëhen të gjitha hapet e nevojshme brenda verës. Nuk jemi aspak në kohë sepse afatet kanë skaduar. Në momentin që ekziston vullneti politik çdo gjë mund të bëhet. E drejta është thjesht duhet të votohet në 2025 nga ashtë vendit.
Edhe pse është një nga objektivat kryesore të reformës zgjedhore, si KQZ ashtu edhe deputetët e Kuvendit fajësojnë njëri-tjetrin për neglizhencë. Cili institucion sipas jush është përgjegjës për këtë situatë?
Rolet janë mirë të përcaktuara në një shtet demokratik siç duhet të ishte Shqipëria. Ne jetojmë në një vend mkreullirash dhe po bëhet një pingpong për votën e diasporës dhe po gjehen justifikime të kota dhe të gjitha palët kanë faj. E drejta e votës së diasporës favorizon të gjithë dhe diasporën dhe popullsinë e Shqipërisë. Diaspora ka një larmishmëri të madhe dhe
Në mendimin tim ministria Diasporës duhet të ketë rolin e vetë dhe Rama nuk duhet të kishte një rol të drejtpërdrejtë me diasporën dhe është një enigmë dhe kjo frikëson të gjitha palët. Kjo është një frikë e pakuptimtë dhe në kohën që të gjitha info e shqiptarëve kanë dalë sheshit nga patronazhistët, vota e diasporës është e vetmja pikëpyetje për shifrat. Diaspora është e pavarur dhe e papërcaktuar. Demokracia ka ndarjen e pushteteve dhe kryeministri është i pari i qeverisë së vendit. Nuk është qeveria që duhet të bëjë fushatë për zgjedhjet e ardhshme.
Ju keni paralajmëruar një protestë më 18 korrik. Si do të jetë e organizuar, shqiptarë nga cilat vende do të marrin pjesë? A keni shifra?
Besoj se në këtë rast shifrat nuk do e bëjnë ndryshimin pasi diaspora gjithmonë ka treguar dashamirësi dhe në shesh do kemi shqiptarë që kanë ardhur nga jashtë. Do jetë një shesh me përmbajtje të ndryshme dhe kërkesa është që të faktorizohet gjysma e shqiptarëve.
Në propozimin e PS, e drejta e votës do të jetë për ata shtetas shqiptarë që janë të regjistruar në platformën e Gjendjes Civile nëpërmjet deklarimit të adresës së tyre jashtë vendit. Si e shihni këtë propozim dhe në tërësi draftin?
Përshtypja personale është që po kopjohet ligji i votës së diasporës në Itali. Ideja është që Shqipëria ka më shumë se 30 vite që nuk e ka mundësuar të drejtën e votës së diasporës dhe marrëdhëniet e kësaj të fundit me vendit kanë një prirje [për tu larguar edhe më shumë. Përtej teknikalitetit duhet të themi që nuk kemi një opinion kundër në metodat e aplikimit.
Ndërsa sipas propozimit të KQZ, emigrantët mund të votojnë disa herë, por është vota e fundit ajo që do të numërohet. A ka hapësira për abuzim në këtë formë?
E thënë kështu duket se po, por shpresojmë që këto teknikalitete të mos jenë arsye për të ndaluar votën e diasporës.
A e shihni të mundur realizimin e këtij premtimi politik për zgjedhjet e 2025?
Sinjalet e deritanishme janë që nuk ka vullnet politik dhe topi është në dorë të atyre që janë në parlament sot dhe të gjithë mund të bëjnë ndryshimin e të bëhen të gjitha procedurat [para pushimeve.
Çfarë mendoni se do të sillte vota e Diasporës në rezultatin e zgjedhjeve, nëse do të bëhej realitet? A e ka ajo fuqinë për të sjellë rotacion?
Në momentin që shqiptarët s’kanë mundësi për rotacion mbetet për tu parë nëse do e ketë diaspora. Ajo duhet të përfshihet në proces edhe që të mos largohemi me gjysmën e popullsisë.
