Shumë emocione në çerekfinalen e parë të Kupës së Amerikës. Argjentina respekton parashikimet dhe kalon për në gjysmëfinale, por duhen penalltitë për të mundur Ekuadorin.
Koha e rregullt përfundoi 1-1, me Lisandro Martinez që shënoi për bardhekaltërit. Ekuadori humbi një penallti në minutën e 62-të me Ener Valencia, por shënoi në minutën e 91-të me Rodriguez, duke barazuar rezultatin.
Në serinë e 11-metërshave, Messi humbi gjithashtu penallti, por Argjentina kaloi në gjysmëfinale pas dy gabimeve të ekuadorianëve dhe tani do të presë kundërshtarin që do të dalë nga çerekfinalja Kanada-Venezuelë.
