Shqiptarët i japin sot lamtumirën e fundit shkrimtarit të mirënjohur Ismail Kadare, i cili ndërroi jetë në moshën 88 vjeçare, mëngjesin e 1 korrikut.
Në Teatrin e Operas dhe Baletit po mbahen homazhet në nder të kolosit të letërsisë shqipe ku krerët e shteteve nga Shqipëria dhe Kosova po përcjellin me nderime të larta shkrimtarin në banesën e fundit.
E shoqja e Ismail Kadaresë ka kërkuar që ceremonia e varrimit të bëhet vetëm me praninë e familjarëve.
“Të respektojmë ikjen e tij! Helena kishte një kërkesë legjitime, varrimi të bëhej vetëm në prani të familjarëve, ndaj në emër të saj u kërkoj respektimin e këtij vullneti dhe mbylljen e homazheve në çastin e nisjes së kortezhit të vogël familjar”, tha kryeministri Rama në fjalën e tij.
