Ish-sekretari për marrëdhëniet me publikun në Partinë Demokratike ishte këtë të mërkurë i ftuar në një intervistë për Euronews Albania ku tha se çështja e rekursit për vulën e PD rrezikon të mbajë elektoratin të paqartë.
Ai tha se duhet të vazhdohet me projektin politik, pasi nuk mund të rrihet më ‘me një dorë në revani e një dorë në bakllava”.
“Këtu ka njerëz që kanë një qasje të përafërt me mua, që duhet një parti politike urgjent. Që të vazhdojë projekti politik, ne kemi nevojë për përfaqësim. Ne përfaqësim me parashtesën ish nuk mund të kemi. E dyta duhet qartësi për tërheqjen e grupit parlamentar të deputetëve që duan të vazhdojnë këtë rrugë. As kjo nuk po ndodh.
Këtu duhet të merret një vendim edhe si grup njerëzish edhe si grup parlamentar. Të jenë të qartë. nuk mund të rrihet në politik me një dorë në bakllava e një dorë në revani. Nuk mund të vazhdohet kështu, sepse kjo përcjell mesazhin më të keq. Kjo fatkeqësisht krijon bindje, krijon kushte që një pjesë e njerëzve që duan të vazhdojnë me pragmatizëm në politik, mund të shkojnë edhe te ata qaë ne i kemi kundërshtuar si model”,-tha Kulluri.
