Nga Boldnews.al
Andon Marko është një prej 19 zyrtarëve të Policisë, të pezulluar ditën e sotme pas një hetimit të Prokurorise së Korçës, nën dyshimet se kane përfituar financiarisht nëpërmjet plotësimit të faturave të rreme që ia ngarkonin misionit ndërkombëtar të monitorimit “Frontex”.
Marko mund të përbëjë një prej rasteve më të veçantë në Policinë e Shtetit, per numrin e shkarkimeve apo pezullimeve nga detyra dhe rikthimin në mënyrë të dyshimtë në detyrë.
Emri i tij u shfaq publikisht në vitin 2018, kur mbante postin e nëndrejtorit të Policisë së Fierit.
Andon Marko dhe shefi i tij në atë kohë, Albert Nushi, u shndërruan në vartës të Fredi Alizotit, një kontigjent i Policisë, të cilit iu ngarkua roli për të mbrojtur Agron (Geron) Xhafaj, vëllain trafikant të Ministrit të Brendshëm të asaj kohen, Fatmir Xhafaj.
Shefi i Policisë, Andon Marko, kishte për detyrë të paguante shpenzimet dhe birrat e Fredi Alizotit, vetem qe ky i fundit të pranonte se kishte luajtur rolin e Geron Xhafaj në një audio-regjistrim ku flitej për trafik narkotikësh.
Për këtë shërbim në favor të Fatmir Xhafajt, Andon Marko u emërua drejtor i Policisë së Fierit, ndersa shefi i tij, Albert Nushi, u emërua në të njëjtin pozicion, në Elbasan.
Disa kohë më vonë, Andon Marko u emërua në strukturat drejtuese në Policinë Kufitare të Vlorës.
U pezulluar nga kjo detyrë dhe u hetua për shpërdorim detyre, pas aksidentit tragjik që i Mori jetën një 7-vjeçareje, në Potam të Himarës, në gusht 2022.
Në heshtje, ai u zhvendos nga Vlora dhe u emërua drejtor i kufirit në Policinë e Korçës.
Në nëntor të vitit 2023, Andon Marko pezullohet nga detyra, për shkelje në rregullat e bashkëpunimit me Frontex.
Mesa duket, edhe asaj radhe ia ka hedhur, duke u caktuar si asistent i drejtorit të Policisë së Elbasanit, derisa u pezulluar sërish nga detyra në fillm të kësaj jave.
Lexo edhe:
EMRAT/ Abuzimi me fondet e FRONTEX, AMP pezullon nga detyra 19 punonjës policie
