Prokuroria e Posaçme ka reaguar pas incidentit që ndodhi me një qytetar jashtë ambienteve të saj. Sipas njoftimit zyrtar të SPAK, qytetari Pal Trashaj kakërkuar të takohet me një ngahetuesit e BKH-së.
Ndërkohë më tej shton se teksa ishin duke u bërë njoftimet pëkatëse, janë parë shërbimet e urgjencës jashtë SPAK.
Më tej thuhet në njoftim, është verifikuar dhe parë se çështja që i përkiste Pal Trashit i ka kaluar pë kompetencë një tjetërr prokurorie të juridiksionit të përgjithshëm.
Njoftimi i SPAK
Në lidhje me incidentin e sotëm të qytetarit Pal Trashaj të ndodhur jashtë Prokurorisë së Posaçme, institucioni ynë i uron z. Trashaj shërim të shpejtë! Sqarojmë se qytetari në fjalë është paraqitur tek oficeri i informacionit dhe ka kërkuar takim me një nga hetuesit e BKH-së për një çështje e cila pas verifikimeve ka rezultuar se i ka kaluar për kompetencë një prokurorie të juridiksionit të përgjithshëm që në vitin 2022. Më pas oficeri i informacionit ka bërë me dije qytetarin të presë sa të njoftojë hetuesin e çështjes mbi kërkesën e tij. Ndërkohë që oficeri i informacionit ka marrë kontakt me hetuesin e çështjes, qytetari ka dalë jashtë në oborr, duke mos ardhur për të marrë përgjigje.
Pas disa orësh, jashtë ambjenteve të SPAK, janë parë shërbimet spitalore të urgjencës dhe aty është mësuar rreth veprimit të ndërmarrë nga z. Trashaj.
Institucioni ynë ka bërë menjëherë verifikimet rreth këtij incidenti për të sqaruar çdo veprim të punonjësve të tij.
Prokuroria e Posaçme, garanton se do t’i përgjigjet në kohë çdo qytetari me korrektësi dhe në zbatim të ligjit për çështje që janë në kompetencën e saj.
