Ardian Ismajli mund të lërë Empolin për të kaluar në Superligën turke të futbollit.
Sipas “Sky Sport”, Besiktas është skuadra që synon të transferojë mbrojtësin e Kombëtares shqiptare. Sipas këtyre informacioneve drejtuesit e klubit turk do të takohen shumë shpejtë me Empolin për të nisur negociatat.
Sipas burimeve, Besiktas, klub në të cilin luajnë edhe Ernest Muçi dhe Milot Rashica është i vendosur për të mbyllur me sukses këtë operacion, për të përforcuar repartin e mbrojtjes, një kërkesë e trajnerit holandez Giovanni Van Bronckhorst.
27-vjeçari vjen pas një sezoni të mirë në aspektin personal, pasi zhvilloi 27 ndeshje me Empoli-n, ndërsa ishte pjesë e Europianit me Shqipërinë por që çuditërisht nuk luajti asnjë minutë.
