Dy automjete janë përplasur me njëra-tjetrën në afërsi të lagjes Kordhocë, në Lazarat. Njëri prej automjeteve ishte i policisë me të cilin po udhëtonin dy efektivë. Të plagosur kanë mbetur 2 oficerët e policisë dhe shoferi i mjetit tjetër.
“Rreth orës 15:40, në aksin rrugor “Gjirokastër-Kakavijë”, në vendin e quajtur Kordhocë, janë përfshirë në aksident rrugor automjeti i policisë me drejtues shtetasin D. P., (oficer policie) dhe automjeti me drejtues shtetasin S. B..
Nga aksidenti janë dëmtuar 2 drejtuesit e automjeteve dhe 1 pasagjerë (punonjës policie), të cilët ndodhen në spital, për ndihmë mjekësore, jashtë rrezikut për jetën.”- njofton policia.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
