Policia e Shkodrës ka ushtruar kontrolle nga ajri dhe toka, në vijim të operacionit policor antikanabis të koduar “Territor i pastër”.
Si rezultat janë asgjesuar 13 194 fidanë e bimë kanabis, më konkretisht 6500 fidanë dhe 6694 bimë kanabisi.
Lënda narkotike është gjetur e kultivuar në vendin e quajtur “Rrethi i Brashtës”, teksa sipas Policisë është zbuluar nëpërmjet disa fluturimeve me helikopterin e Forcave Ajrore. Në këtë operacion janë angazhuar 80 punonjës të Policisë së Shkodrës.
Gjithsesi, pavarësisht asgjesimit të mbi 13 mijë bimëve dhe fidaëve kanabisi, nuk ka patur asnjë të arrestuar apo proceduar.
Policia bën me dije se operacioni nga ajëri dhe toka do të vijojë.
