Analisti Enton Abilekaj, teksa komenton skandalin e fundit të ndodhur tek Onkologjiku, bëri fajtor drejtpërdrejt qeverinë Rama për gjendjen në spitalet e vendit. Abilekaj shtoi se kjo është një skemë kriminale-hajdutërie që e kontrollon qeveria.
Ai thekson se nuk janë vetëm disa mjekë të korruptuar pasi paratë jepen për të blerë ilaçe dhe ilaçet nuk janë. Ai shton se për këtë e di shumë mirë edhe Ministria e Shëndetësisë dhe QSUT.
Ky është një krim i organizuar, i një mafieje, që në pushtet ka si parim krimin e organizuar.
“Kur paraqitet buxheti i shtetit në Parlament deputetët kontrollojnë çdo fond që jepet për gjithkënd.
I vetmi fond që nuk kundërshtohet nga opozita është fondi për spitalet.
Nëse opozita ju kërkon një fond për ilaçet nuk e vë njeri në diskutim pse i kërkojnë.
Pra, nëse këta kërkojnë fond për ilaçe, kaq do rimbursohen nga shteti, ato nuk diskutohen farë në parlament.
Dhe çfarë ndodh dhe çfarë tregon kjo që ndodhi sot?
Kjo tregon se fondet jepen, spitali i merr dhe krijon strukturën mafiroze që ilaçet ua çon farmacive që është lidhur dhe ju thotë qytetarëve “shkoni blijeni atje’’.
Kjo është një skemë hajdutërie, kriminale, të cilën e kontrollon qeveria.
Nuk thuhet këtu që qenkan ca mjekë të korruptuar ” jojo , paratë jepen për të blerë ilaçe dhe ilaçet nuk janë, dhe këtë e di shumë mirë Ministria e Shëndetësisë, këtë e di shumë mirë QSUT”.
Ky është një krim i organizuar, i një mafieje, që në pushtet ka si parim krimin e organizuar.”- tha Abilekaj në ‘Çim Peka Live’.
