Prokuroria e Tiranës, përveç skandalit të Onkologjikut, ku pacientët e sëmurë me më tumor i orientonin në spitalet private me qëllim përfitimin monetar, ka zbuluar se në këtë spital është instaluar dhe një aparaturë Kobalto-Terapie.
Kjo aparaturë shërben për trajtimin e të sëmurëve të diagnostikuar me sëmundje tomorale dhe sidomos të sëmundjeve të kancerit të lëkurës.
Denoncimet e pacientëve kanë zbuluar të gjithë skemën si mjekët dhe personeli që punonte tek Onkologjiku nxisnin pacientët të kryenin vizitat dhe shërbimet në klinikën private “Megis”, që ndodhej tek “Astiri”.
Mjekja pediatre, Loreta Gjoniu shpreh se ndihet zemërthyer në emer të të gjithë kolegëve të ndershëm të shëndetësisë që për shkak të disa elementëve të korruptuar të sistemit shëndetësor në pikëpamjet e paaftësisë për të përmbushur përgjegjësitë e detyrës, shkatërruan figurën e mjekut.
“Sot unë dhe kolegeët e mi, ata elementë të ndershëm të sistemit shëndetësor ndihemi zemërthyer për këtë mega-skandal në shëndetësi, pasi disa elementë të korruptuar të sistemit shëndetësor në pikëpmajet e paaftësisë për të përmbushur përgjegjësitë e detyrës me të cilën ishin ngarkuar prishën figurën e lartë në pipëpamjen profesionale, atë të bluzave të bardha.
Sigurisht që ndihemi kokëulur dhe të turpëruar megjithatë duhet të theksojmë se përgjegjësia është e personalizuar dhe ata elementë të sistemit shëndetësor që janë pjesë e mega-skandalit, ata prezumojnë ende në rolin e të pafajshmit dhe do doja shumë të ishin të tillë.
Nëse ata janë të përfshirë në këtë rol të ndyrë të shëndetësi-bërjes do kisha preferuar të merrnin të gjithë peshën e ndërshkueshmërisë dhe masën disiplinore që e parashikon jo vetëm ndëshkim në pikëpmajen ligjore, por edhe atë morale nga ana e pacientit“, tha mjekja për Syri tv.
- Kush janë mjekët dhe zyrtarët e QSUT të arrestuar
Gjykata e Tiranës ka caktuar masat ‘arrest shtëpie’ dhe ‘detyrim paraqitje’ për 8 mjekë të Spitalit Onkologjik në QSUT.
Gjykata ka miratuar kërkesën e akuzës duke çuar para përgjegjësisë ligjore 8 persona, mjekë të spitalit onkologjik në QSUT, kirurgë, ish-zv.drejtoresha e përgjithshme e spitalit, farmacistë e punonjës.
Ky vendim është bërë me kërkesë të prokurorisë së Tiranës, kurse masat u dhanë nga gjyqtarja Armela Hansantari pas një hetimi të Prokurorisë së Tiranës për medikamentet në Spitalin Onkologjik.
Në hetime u përdorën blerje të stimuluara ilaçesh, prej nga ku është zbuluar se si mjekët i dërgonin pacientët në spitale. Burimet e Prokurorisë thanë se gjatë hetimit akuza bleu citostatike (kimioterapi) për të provuat dyshimet se ilaçet spitalore shiteshin tek privati.
Gjykata e Tiranës ka caktuar 8 masa ‘arrest shtepie’ dhe ‘detyrim paraqitje’ per mjekë dhe zyrtarë të spitalit Onkologjik:
1-Edmond Gashi (Mjek prane Spitalit Onkologjik ne QSUNT)
2-Emiljano Lela (Koordinator prane Spitalit Onkologjik ne QSUNT)
3-Alketa Ymeri (Pere) (Mjeke prane Spitalit Onkologjik ne QSUNT)
4-Brikena Qirjazi (Zv/Drejtoreshe ne QSUNT e ngarkuar me detyra për shërbimin onkologjik)
5-Halil Gashi
6-Florian Marku (administrator i Flori Farma)
7- Drilona Kishta për të cilën ishte vendosur masa e sigurisë “Detyrim Paraqitje” parashikuar nga neni 234 të K.Procedurës Penale për veprën penale “Shpërdorim Detyre” parashikuar nga neni 248 i Kodit Penal nuk është bërë ekzekutimi i vendimit penal pasi kjo shtetase ka qënë jashtë shtetit dhe është vendosur njoftim në kufi.
Prokuroria bën me dije se është bërë sekuestrimi i klinikës mjekësore “Megis” dhe i është komunikuar që nuk duhet të ushtrojë aktivitetin deri në një moment të dytë.
Gjithashtu është ushtruar kontroll në disa subjekte farmaceutike ku janë sekuestruar një sasi e konsiderueshme mallrash kontrabandë të dyshuara dhe të falsifikuara dhe një shumë lekësh prej 10.000 Euro në subjektin farmaceutik ‘Flori Farma’.
Lexo edhe:
Skandali/ Mjekët bënin “pazar” me pacientët me kancer, si funksiononte “skema kriminale” (DËSHMITË)
