Ish-kapiteni i kombëtares shqiptare, Ervin Skela shfaqi emocionet që po përjetojmë të gjithë përpara fillimit të Shqipëri-Spanjë (21:00), teksa u shpreh:
“Ndihem si këta çunat. Shumë emocione. Këta djem na kanë bërë shumë krenarë. Kënaqësi e jashtëzakonshme. Me një xhelozi të shëndetshme them që doja të isha edhe unë sot. Por uroj që këta djem të na bëjnë shumë krenarë.
Kjo tifozeri shqiptare ka treguar në rrugë, në gjithë Gjermaninë. Kemi fituar Europianin tonë me këta tifozë.
Ka ardhur momenti që Shqipëria të bëjë hapin tjetër. Dimë të lozim shumë mirë futboll, edhe në një grup të vështirë.
Balliu titullar? Mendoj që trajneri ka menduar faktin që Balliu luan në Spanjë dhe e njeh futbollin spanjoll. Është lojtar teknik, mua më pëlqen shumë.
Shpresoj të jemi shumë kompakt, pasi Spanja është e frikshme me topin. Por të shkojmë edhe përpara.
Manaj? Trajneri pa që Manaj luajti shumë mirë ndaj dy mbrojtëseve kroatë. Të kemi kujdes me vertikalizimet e spanjollëve. Ata kanë ndryshuar, luajnë më shumë në thellësi.
Ramadani më pëlqen shumë me shpirtin e tij luftarak.
Parashikimi? “1-0 për Shqipërinë”, deklaroi një ndër lojtarët me më shumë klas që ka veshur fanellën kuqezi.
