Detaje të reja janë zbuluar nga aksident i rëndë automobilistik në aksin Gjiri i Lalzit-Maminas, ku një 16-vjeçar humbi jetën.
Mësohet se përplasja mes dy mjeteve që lëviznin me shpejtësi tejet të lartë ndodhi pasi një prej automjeteve i preu rrugën tjetrit, pranë degëzimit të rrugës për në Hamallaj.
Sipas njoftimit të autoriteteve automjeti me drejtues shtetasin O. M., 25 vjeç, është përplasur me automjetin me drejtues shtetasin E. K., 20 vjeç.
Ky i fundit ka mbetur i plagosur, ndërsa 16-vjeçari Alban Hasrama që mbeti viktimë ishte pasagjer në automjetin ku ndodhej 20-vjeçari.
Njoftimi i plotë:
Durrës/Informacion paraprak
Rreth orës 15:40, në Hamallaj Durrës, automjeti me drejtues shtetasin O. M., 25 vjeç, është përplasur me automjetin me drejtues shtetasin E. K., 20 vjeç.
Si pasojë e përplasjes është dëmtuar shtetasi E.K, i cili ndodhet nën kujdesin e mjekëve dhe ka humbur jetën në spital pasagjeri shtetasi A. H., 16 vjeç, që ndodhej në automjetin që drejtonte shtetasi E. K.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
