Anglia barazoi 1-1 me Danimarkën në Frankfurt, në përballjen e vlefshme për Europianin.
“Tre luanët” realizuan të parët me Harry Kane, në minutën e 18-të. Danezët nuk u dorëzuan dhe u futën në lojë në minutën e 34-të, pas golit të Hjulmand.
Në fillimin e pjesës së dytë, Saka me shokë shtuan presionin në portën e Schmeichel, por pa rezultat.
Në të 72-tën, Watkins shpërdoroi një mundësi të mirë, për të kaluar britanikët në avantazh.
Me këtë rezultat, ekipi i Southgate kryeson me 4 pikë grupin, ndërsa ndjekin Danimarka dhe Sllovenia me nga 2 pikë. Në ndeshjet e fundit në këtë grup, Anglia do të përballet me Slloveninë, ndërsa Danimarka me Serbinë.
