Tashmë më pak se 60 minuta na ndajnë nga përballja më e rëndësishme e këtij viti Kombëtaren teksa në “Volksparkstadion”, të Hamburgut do të sfidojnë Kroacinë, në sfidën e dytë të Grupit B në Euro 2024.
Sa i përket formacioneve, siç e zbuluam edhe më herët, Sylvinho ka bërë jo pak ndryshime në formacion, duke filluar që nga moduli, teksa ka zgjedhur atë 4-3-3, për të hedhur në fushë të besuarit e tij.
Porta do të mbrohet sërish nga Strakosha, ndërsa në mbrojtje janë Hysaj, Gjimshiti, Ajeti dhe Mitaj. Mesi i fushë do të përbëhet nga Qazim Laçi, Ramadani e Asllani. Para tyre do të vendoset Asani e Bajrami, ndërsa në ekstremin e sulmit do të luajë i vetëm, Rey Manaj.
Ndërkohë futbollistët kanë shkelur në fushën e Hamburgut teksa janë pritur me brohorima dhe entuziazëm nga tifozët me stadiumin që po fillon të mbushet.
