Diçka më shumë se 24 orë na ndajnë nga përballja më e rëndësishme e këtij viti për Shqipërinë, teksa në “Volksparkstadion”, të Hamburgut do të sfidojnë Kroacinë, në sfidën e dytë të Europianit që do të jetë përcaktuese për fatet e skuadrës kuqezi.
Këtë të martë zhvillohen edhe konferencat zyrtare për shtyp, ku bashkë me teknikun Sylvinho është edhe kapiteni Berat Gjimishti, me teknikun brazilian, i cili analizoi lojën ndaj Italisë, teksa theksoi se “azurrët” u bllokuan mjaft mirë në mbrojtje, duke mos na lënë të krijonim asnjë aksion sulmues.
Trajneri Sylvinho tha se Kroacia “zemrën” e ekipit e ka në mesin e fushës. Paçka humbjes që kroatët pësuan 3-0 me Spanjën, Sylvinho u ndal te cilësitë dhe loja e mirë e “Dalmatëve” dhe statistikat e tyre. Për humbjen me Italinë, braziliani tha se të kaltrit u mbrojtën mirë dhe nuk i lanë të luanin.
“Mund të flasim për lojtarët individualisht më vonë. E kemi studiuar Kroacinë. Ndeshja e parë me të vërtetë ka përfunduar 3-0, por kanë luajtur shumë mirë, i kanë hapur shumë punë Spanjës, pavarësisht se këta në 29 minutat shënuan golat që i duheshin, por Kroacia ka cilësi shumë të larta, kanë aftësi pasimi, aftësi krijimi loje. Nuk mund të themi Spanja fitoi 3 me 0 dhe ishte një fitore e lehtë, e keni parë ndeshjen vetë dhe e dini çmund të bëjë Kroaci.
Është një vështirësi e madhe të luash përballë këtyre lojtarëve të cilët luajnë fort. Megjithatë edhe këtu kemi lojtarë shumë të mirë, kapiteni ynë ka fituar Europa League. Kemi lojtarë shumë të mirë, kemi Asanin, Asllanin, Brojën. Kemi luajtur mirë kundër Italisë. Kemi përzierje të mirë, kemi lojtarë me përvojë e të rinj. Shkojmë fuqishëm drejt së ardhmes.
Nuk është se nuk e kemi sulmuar Italinë, ata nuk na lejuan ta bëjmë. Ata dinë të bllokohen shumë mirë. Patën fillimisht 3-4 mbrojtës e më pas 5 të tillë. Kishim një pasim fantastik nga Asllani në fund, por kaq, ata u mbrojtën shumë mirë dhe në fund mënyrë si Jorginho e Barella kanë drejtuar lojën janë pikërisht mënyra sesi mund të fitosh këtë kompeticion.
Ata janë lojtarë të mëdhenj, që kanë fituar Serie A e kanë shkuar deri në finalen e Champions League, por i tillë është ky komepticioni. Ne mund të arrijmë shumë, mund të shkojmë larg, por natyrisht që kemi rrugë para e në bazë të kësaj themi që kemi bëri një lojë të mirë. Ne shënuam, por e përmbysën rezultatin shpejt”.
Gjendja e skuadrës? Në këtë moment jemi të gjithë në formë. Kemi pasur një seancë të shkurtër këtë pasdite dhe do të flasim me stafin në hotel, por nuk kemi asnjë të lënduar dhe të gjithë janë gati për sfidën e nesërme ndaj Kroacisë.
Mesfusha e Kroacisë pika e tyre më e fortë – Mesfusha është zemra e tyre. Kanë emra si Brozovic, Modric, Kovaçiç, apo Perisic, të cilët kanë luajtur dhe luajnë në nivelet më të larta, ndaj do të jetë shumë e vështirë. Duhet të luftojmë shumë dhe të bëjmë kujdes, për të mos u lejuar shumë, pasi dinë të shfrytëzojnë çdo gabim.
