Këtë të martë në orën 16:00 në Nyon të Zvicrës u hodh shorti i raundi të parë kualifikues të Conference League, me skuadrat shqiptare që mësuan kundërshtarët e këtij raundi.
Partizani, Vllaznia dhe Tirana ishin të rreshtuara në vazon e skuadrave favorite në short, me mundësi reale për të peshkuar një kundërshtar të lehtë dhe për të avancuar në turin tjetër, me fitime me të rëndësishme financiare.
Kështu Tirana do të përballen me klubin nga Gjerogjia, Torpedo Kutaisi, Partizani do të sfidojë modestët maltezë, Marsaxlokk, ndërsa Vllaznia do të përballet me klubin islandez, Valur.
Një short i lehtë për të treja skuadrat shqiptare, që do të kërkojnë kualifkimin për në raundin tjetër kualifikues.
SHORTI I CONFERENCE LEAGUE:
Torpedo Kutaisi (Gjeorgji) – TIRANA
Marsaxlokk (Maltë) – PARTIZANI
Valur (Islandë) – VLLAZNIA
Ndeshjet e këtij raundi të Conference League do të zhvillohen në datat 11 dhe 18 korrik, me datat dhe oraret e sakta që do publikohen nga UEFA më datë 21 qershor.
