Një 47 vjeçar nga Kuçova, invalid pas një aksidenti të rëndë aumotomobilistik, ka rënë pre e mashtrimit nga një bashkëqytetar i tij, të cilit i ka kërkuar ndihmë si shofer gjatë kohës kur duhet të kurohej në spitalin e Beratit.
Gjatë kësaj periudhe ai i ka kërkuar borxh herë pas here shuma të ndryshme parash, të cilat ,duke përfituar edhe nga gjendja shëndetësore e invalidit, nuk ia ka kthyer asnjëherë.
Sipas qytetarit, ky person vazhdon t’i kërkojë shuma të tjera parash, duke e kërcënuar se nuk do t’i kthejë borxhin, nëse nuk i jep paratë e tjera.
47 vjeçari Dritan Xhema i është drejtuar disa herë policisë së Kuçovës, të cilët e kanë adresuar tek zyrat kundër krimit ekonomik e më pas në gjykatën e Beratit, ku duhet të ngrejë një padi civile për mashtrim.
Dritan Xhema nga Kuçova i është drejtuar emisionit Fiks Fare për të gjetur drejtësi. Borxhi që ai i ka dhënë Ardian Xhakos është 1200 euro. Herë borxhliu e qetëson me gënjeshtrën e radhës që do ia kthejë dhe herë e kërcënon që pa i dhënë të tjera nuk do marri as shumën e parë.
” Unë nuk kam mundësi të vij vërdallë nëpër gjyqe, plus që borxhliu më ka kërcënuar që videot që kam ku ai më pranon borxhin, nesë i përdor diku tjetër do të më rrah vëllain” tregon për Fiksin Dritani.
Mashtruesi në fjalë aktualisht punon si roje shkolle dhe Dritani ka të regjistruara video ku ky i fundit i pranon borxhin dhe e gënjen çdo ditë se do ia kthejë , plus ka edhe copa letrash si provë të firmosura nga borxhliu Xhako.
Fiksi shkon të takojë në vendin e punës borxhliun Ardian Xhako, por nuk e gjen në vendin e punës. Drejtoresha e shkollës tha për Fiksin se atë dite ai nuk ishte paraqitur në punë. Gazetarët mundohen të kontaktojnë me të nëpërmjet telefonit, por që ai nuk e hap.
Pas shumë përpjekjesh më në fund gazetarët lidhen me Xhakon dhe ky i fundit u thotë se nuk e mohon borxhin dhe muajin tjetër do ia kthejë, pasi pret t’i rritet rroga. Pyetjes së gazetarëve se përse e kërcënon zotërinë ai mohon gjithçka . Ndërkohë që Fiksit i janë vënë në dispozicion mesazhe e video nga pala e dëmtuar. Ndërkohë që serish gënjen duke u thënë gazetarëve të Fiksit se kur janë paraqitur tek shkolla ai aty ka qenë por është larguar pasi i pa. Ndërkohë që tjetër gjë tha drejtoresha e shkollës.
Siç thotë edhe populli ” i jep më dorë dhe merr me këmbë” kështu është dhe historia e Dritanit. Menjëherë pas largimit të Fiksit, borxhliu fillon sërish ta kërcënoj duke i thënë ” Nëse dal të Fiksi do kesh punë me mua dhe lekët harroi”.
