Policia ka shpallur në kërkim 4 persona, konkretisht P. E., 47 vjeç, E. E., 18 vjeç, O. H., 33 vjeç, dhe A. B., 39 vjeç, pas një sherri masiv në një objekt privat në Tiranë.
Mbrëmjen e 14 qershorit, O.H., dhe A.B., janë konfliktuar fizikisht me P. E., F. E., dhe E. E. si dhe kanë kanosur me fjalë rojën e objektit. Si pasojë e këtij konflikti janë dëmtuar 2 automjete si dhe u qëllua me armë zjarri në ajër.
“Shtetasit O. H., dhe A. B., më datë 14.06.2024, rreth orës 23:15, kanë shkuar në ambientet e një objekti në administrim nga shtetasi F. E., dhe për motive të dobëta, kanë kanosur me fjalë rojën e objektit, shtetasin S. A., janë konfliktuar fizikisht me shtetasit P. E., F. E., dhe E. E., e gjatë konfliktit dyshohet se njëri prej tyre ka qëlluar në ajër me armë zjarri.
Më pas shtetasit e përfshirë, janë munduar të fshehin ngjarjen nga Policia. Gjatë konfliktit janë dëmtuar 2 mjetet e personave të përfshirë, të cilat u sekuestruan në cilësinë e provës materiale, së bashku me 1 armë zjarri pistoletë, 1 armë gjahu çifte, dhe 1 shotgun, (të cilat janë me leje nga organet përkatëse).”- njofton policia.
Materialet i kaluan Prokurorisë.
